فيلم: الإعلام والكورونا ” ما بين التخويف والتطمين”
المذيع عمرو أديب
أعلى عدد من الإصابات في يوم واحد في مصر.
المذيعة لارا نبهان:
موجة من الذعر جعلتنا نعيش حالة من الفوبيا.. عاداتنا تغيرت.
الإعلامي شريف عامر:
أي ارقام بتشفوها انهاردة..
هي نتيجة سلوك مباشر مع الأسف الشديد احنا بنتورط.
جماعة الموضوع خدوه جد.. الموضوع مش هزار خالص، خلوا بالكم من نفسكم ومن أهلكم.
أنا بموت.. الأكسجين بدأ يتسحب مني.
الإعلامية لميس الحديدي:
هذا هو مرض الكورونا!! واحد يؤدي إلى عزل منطقة كاملة تمثل 800 منزل؛ 13.000 نسمة.
لقاء مع كبير مذيعي راديو “إنيرجي“
المذيع/ صبري زكي
المذيع صبري زكي:
وباء كورونا كان مشكلته إن الكل خايف، الكل مذعور.. كل البيانات اللى بتطلع فيها شئ من الذعر، فكان صعب جدا إنك تقيم الثبات الإنفعالي بتاع الإعلامي اللي قدام الكاميرا في ظل وباء زي دا .
لقاء مع د. أيمن رشوان
مقدم برنامجي ” الدكتور” و”الناس الحلوة“
د. أيمن رشوان:
وسائل التواصل الاجتماعي فيها مشكلة كبيرة، إن ممكن جدًا الصوت الكاذب أو الغيردقيق، أوغيرالمنضبط يكون هو الصوت العالي، أو الأكثر كاريزما فيشد الناس فتصدقه.
يعني فيه أصوات طلعت على وسائل التواصل الاجتماعي تتكلم عن الكورونا علي إنها أكذوبة، وتقول إن دي موْامرة مفيش حاجة اسمها كورونا.. فيه ناس قالت كدا، في الوقت اللي كان فيه ناس بتموت في المستشفيات في العالم كله بسبب هذا الفيروس.
لقاء مع الإعلامي/ محمد علي خير
مقدم برنامج “المصري أفندي
محمد على خير:
أنا رأيي إن الإعلام المصري على اختلاف تنوعه؛ إذاعة، تلفزيون، فضائيات، صحافة، ومواقع التواصل الاجتماعي لعبوا دور كبير جدًا، عندما بدأ الحديث عن انتشار فيروس
كورونا في العالم، وإحنا جزء منه.. التوعية كانت ليل نهار، الناس كانت بتحذر بعضها على وسائل التواصل الاجتماعي. المسؤولين كانوا بيطلعوا في الإذاعة، في الفضائيات..
اتعلمنا الإجراءات الإحترازية.
اعتقد أن اللي ساهم في تقليص نسب انتشار الفيروس في مصر “التوعية الإعلامية “، وطبعا الخوف، أنا وأنت كنا خايفين برده.
لقاء مع استشاري الأمراض النفسية
د.أمينه العزازي
د. أمينة العزازي:
بالنسبة للناس كأثر نفسي، دا بيعتمد على استقبال الناس للإعلام ازاي.. الناس بتتقسم لأنواع، فيه ناس بتستقبل الوسائل الإعلامية والمؤسسات الإعلامية على إنها حد مأخوذ بكلامه، حد ثقة، وبنعتمد عليه كليًا وجزئيًا، وبالتالي استقبالنا لأي معلومة بيطرحها الإعلام بيبقي مصدق بلا أي مراجعة.
لقطة أرشيفية/ مؤتمر صحفي لرئيس مجلس الوزراء المصري
رئيس مجلس الوزراء المصري:
علشان نطمن في كل خطوة بناخدها إن احنا مازالت الأمور تحت السيطرة، وتحت قدرة الدولة في التعامل مع هذه الجائحة اللي مرة آخرى لم تشهدها البشرية، وحتى هذه اللحظة محدش يقدر يقول مفرداتها ايه.
لقاء مع مقدم برنامجي ” الدكتور” و”الناس الحلوة”
د. أيمن رشوان
الطب الإعلام فيه اساسه الثقافة.. إني اثقف المجتمع، افهمهم يعني ايه جائحة.
افهمهم يعني ايه مرض مخيف ممكن يقتل الإنسان حتى لو كان فيه معلومات كتير مغلوطة بتتقال، ومبتتصلحش بسهولة. مثلاً، كان في الأول فيه عملية الاستهانة والتهوين والتطمين، بزيادة.
لقاء مع الإعلامي/ محمد علي خير
مقدم برنامج “المصري أفندي
لا استطيع أن انكر دور وزارة الصحة في التعاطي مع كافة وسائل الإعلام، منذ بدء الإعلان عن انتشار فيروس كورونا في العالم، وجزء منه في مصر.
وزيرة الصحة في المقدمة كانت موجودة على تواصل دائم. اللجنة العلمية المكلفة لمكافحة فيروس كورونا .. كان فيه تواصل مستمر.
وزيرة الصحة كانت حريصة على اصدار البيان اليومي لنسب الإصابات، والإجابة.. كنا بنتواصل مع الإدارة الإعلامية التابعة لوزارة الصحة. وزارة لصحة كان ليها دور إيجابي ولا يزال في هذه الأزمة.
لقاء مع كبير مذيعي راديو “إنيرجي”
المذيع/ صبري زكي
لازم نتبع الإرشادات اللى على لسان المتخصصين، اللي الوسيلة الوحيدة لنقلها عن طريق الإعلام، فلازم فكرة الإعلام الإرشادي؛ الإعلام اللي فيه جانب من التوجيه، ويبقي له درعة موجودة في القنوات بشكل يهضمه المتلقي.
لقاء مع استشاري الأمراض النفسية
د.أمينه العزازي
تأثر الناس نفسيًا بلي الإعلام بيقوم بيه، أو المؤسسات الحكومية؛ التطبيقات والحاجات اللي كانت بتنزل ووصف دقيق لعدد الحالات، وعدد المصابين الجدد، والمتعافين.. كان رائع فكرة إن أنا بقول المصابين والمتعافين، يعني أنا بوازن الأمور مش بس بتكلم على السلبيات، كمان بذكر السلبيات .
لقطة أرشيفية/ مؤتمر صحفي لرئيس مجلس الوزراء المصري
| رئيس مجلس الوزراء المصري:
|
إجراءاتنا اللي كنا بناخدها في الفترة اللى فاتت، من بدء التعامل مع هذه الجائحة، هو التعامل مع عملية التوازن ما بين إننا منغلقش الدولة، ومنغلقش القطاعات الاقتصادية بقدر الإمكان، ولكن في نفس الوقت بنحاول إننا ناخد كل الإجراءات الإحترازية إللى تحافظ وتصون صحة المواطن المصري.
لقاء مع مقدم برنامجي ” الدكتور” و”الناس الحلوة”
د. أيمن رشوان
الشعب المصري المراهنة على وعيه مش مراهنة خاسرة، بس بشرط اديله أنت بس وعي كويس، واديله القدر الكافي من التثقيف، وركز له هذا التثقيف بما يتناسب مع قدراته في الاستيعاب، واستخدم الأدوات الصح.
يعني متجيش تعمل إعلانات، وتعمل نوع من الحملات الإعلامية، فتستخدم حد بعيد عن الأطباء..استخدم الأطباء؛ اطباء مشاهير، اطباء عنهم كاريزما يقدروا ينقلوا المعلومة حمرة للإعلانات.. مع احترامي طبعا لكل اللي أنت هتجيبهم من المشاهير لو هما ملهمش علاقة بالطب مش هيصدقوا.