2021 جرائم الانترنت في مصر ….قضايا خلافية

فيلم من: هبة حزين, كايل قاماش, و نوران بسيوني

إشراف: د\ إيناس الشافعي

جامعة الاهرام الكندية تقدم

:مقابلة تلفيزيونية

الي اي مدي وصلت نسبة الجرائم الالكترونية في مصر خلال الفترة الاخيرة ؟ وما هي اكتر شرائح المجتمع المشاركة في هذه الجرائم ؟
وفي تقديرك اسباب تفشي هذه الجرائم الالكترونية ؟
!هو طبعا منقدرش نحصر العدد ليه؟ لان كل دقيقة بتمر في جريمة بتتم و مش بس جريمة ……في جرائم بتتم

:د\ احمد مختار

وكيل الهيئة الوطنية للصحافة

اعتقد ان تنظيم استخدام المواقع الالكترونية أمر أصبح ضرورة ملحة جدا جدا

:د\ فاطمة الزهراء

مدرسة بقسم صحافة

الاخبار الكاذبة او الاشاعات و نشرها بقت حديث الساعة في العالم كله
كل العالم بقي بيتكلم عن انتشار الاخبار الكاذبة علي منصات الرقمية المختلفة و تحديدا السوشيال ميديا اللي بقت المتهم الاول في نشر الاشاعات و الاخبار الكاذبة
مع كورونا و انتشار الاخبار المزيفة عن الكورونا نصائح خاطئة بخصوص كيفية تجنب الاصابة بكورونا او كيفية التعافي منها , بقي العالم كله بيتكلم عن التأثير اللي ممكن يوصل للقتل بسبب الاخبار الكاذبة او الشائعات

~نص~

في مصر عام 2018 ظهور اول قانون خاص بجرائم الانترنت و يجرم نشر الاخبار الكاذب

:د\ احمد مختار

في نصوص واضحة بالغرامة اعتقد و الحبس مما لا يقل عن 6 شهور و غرامة في حدود 50 الف جنيه للي ميحتفظش بالمواد اللي تم بثها علي السوشيال ميديا عن طريق المنصة بتاعته
او الصفحة بتاعته لان المفروض انه بيحتفظ بيها لمدة 6 شهور وفقا للقانون ربما تحتاج اليها السلطات المسئولة في وقت معين
عندما يتعرض انسان او سمعة انسان او اسرة لاذي ف بالتالي بيتم التحقيق فيها فالاحتفاظ بيها بيكون مهم جدا

:د\ فاطمة الزهراء

اذا نظرنا الي اركان الجريمة اذا احنا حابينا نسميها جريمة , الاركان القانونية متواجدة بتوافر السند القانوني لتجريم الفعل نفسه
لكن تحديد الفعل و تحديد الجريمة و العلاقة ما بين الجريمة و الفعل أمر مشكل جدا , بالنظر الي الفاعل نفسه … مين هو اللي بينشر الاخبار الكاذبة ؟ هل هو شخص ام هو مجموعة من الاشخاص لان لما بينتشر الخبر الكاذب بيحصله ملايين الشير و ملايين ابداء الاعجاب او التفاعل عليه
فهل هنعتبر كل شخص تفاعل مع خبر كاذب هو من الفاعليين اللي يتم تجريمهم قانونا بعقوبات ممكن تصل للغرامة و للحبس

~نص~

لكن من يقف وراء صناعة الاخبار الكاذبة؟

:د\ مصطفى البنا

مدرس بقسم الإتصال المرئي

ان احنا نقعد نتعقب مين اللي مصور ده و مين اللي عامل الشير الاصلي لده , الموضوع طبعا اصبح صعب مع متابعة ملايين الملايين اللي علي السوشيل ميديا اللي موجودة , الموضوع بقي صعب جدا الا اذا من خلال تقني و في الاخر التقني مبيقدرش يجيب مين برده اللي عمل الشير لا التقني بيقدر او يشوف الاكذوبة دي هل هي معمولة ولا هل هي متصورة لكن ميقدرش في الاخر يتواصل مين الي عمل ده , الا من خلال مراحل كتيرة جدا جدا جدا وده بيبقي موضوع صعب جدا و الموضوع ممكن يكون انتشر عقبال ما انت تعرف مين اللي عمل ده

:د\ فاطمة الزهراء

بيظل المدخل اللي له علاقة بالاعلام , بالاستخدام , بطبعية المستخدم هو الوسيلة الأئمن و الافضل في مواجهة الاخبار الكاذبة من تجرمها وان كان الاطار القانوني له دور و دور مهم و لكن تشابك الظاهرة نفسه بيخلق مشكلات كبيرة جدا في التعامل معاها كجريمة يتم معاقبة كل من اطلع عليها مشترك فيها
في ظل وجود مئات الفاعلين و الفاعلين كمان من غير البشر في ظل الاعتماد علي برمجيات ترويج الشائعات و الاخبار الكاذبة

:د\ إيناس الشافعي

المديرة التنفيذي لملتقي التنمية والمرأة

بالنسبة للمادة 25 من القانون هنلاقي ان المادة دي ذات وجهين يعني بطبيعة الحال و بصراحة المادة بتتصدي لكثير جدا من الجرائم زي جرائم الابتزاز اللي يعاني منها كتير من المواطنين وخاصة من النساء

:مقابلة تلفيزيونية

مازالت قصة فتاه التيك توك منه عبد العزيز و مازن ابراهيم تتفاعل في مصر بعد ايام من الجدل والاتهامات و الفيديوهات علي وسائل التواصل فما قصتهما ؟
اشتعلت مواقع التواصل خلال الايام القليلة الماضية بمزاعم جديدة حول عملية اغتصاب جماعي

:د\ إيناس الشافعي

ولما نبص علي ثقافة المجتمع اللي بتأثر بالتابعية علي قيم و مبادئ الاسرة بنلاقي ان ثقافة المجتمع فيها كتير جدا من مواطن التمييز و بنلاقي في اجزاء كتير منها معادي لحقوق الانسان و لما ندي نموذج لده هنبص علي اشكال كتير جدا من التمييز ضد النساء بتمارس في الاسر المصرية و مبنلاقيش اي مشكلة في اننا نرصد هذه الاشكال كاشكال مناهضة لمبادئ و قيم الاسرة بالعكس هتلاقي الاسر المصرية بتبرر هذا التمييزو بتقول ان ده علشان نحمي النساء وعشان نصنهم و عشان نخليلهم مكانتهم في المجتمع و بالتالي اذا اراد القانون ان يستخدم مصطلح زي مصطلح مبادئ الاسرة عليه ان هو يحدد ماهي هذه المبادئ ؟

:ضحايات التحرش

مكنتش عارفة حتي ارد ولا اعمل اي حاجة –
و انهارت في العياط –
محدش عمل اي حاجة و طلعوني انا اللي غلطانة و انا اللي كدابة و انا اللي بألف قصص و ان هو برئ تماما معملش اي حاجة –
انا ببقي مش عايزة انزل امشي في الشارع لوحدي عشان عارفة ان انا كده كده طول ما انا ماشية في ناس بصة عليا او حتي لو مفيش تحرش  بنفسه بس في العيون كلها بصة

:مقابلة تلفيزيونية

الميزة وراء هذه القضية اذا كان فيها ميزة هي الانتفاضة اللي حصلت علي المستوي الشعبي ان الناس كلها رافضة الكلام ده و الكلام الخايب بتاع ادانة الضحية و لابسة ايه و معرف ايه كل ده بدأ يتراجع في قصة ان لا اوقفوا بقي

:د\ إيناس الشافعي

لو احنا عايزيين نناهض فعلا المحتوي المعادي لحقوق الانسان و بيحض علي السخرية و بيحض علي التنمر ممكن نشتغل عليه كلنا كحقوقيين و نشتغل عليه كجهات اعلامية منضبطة و بنشتغل عليه كمنضمات مجتمع مدني و بنشتغل عليه ايضا باننا بنقدم محتوي منضبط

:د\ احمد مختار

و بنلاحظ حاجة كمان ان الاستخدام ده بيمس الاسر في احيان كثيرة جدا بيبقي في اتهامات في الشرف و اتهامات في الزمة المالية بدون اي سند او دليل و اعتقد ان ده بيفسخ القيم بتاعه المجتمع المصري بتاعنا

:د\ إيناس الشافعي

وده بقي بيخلينا مرة تانية نقول ان احنا مينفعش نبتدي بالتدخل القضائي , التدخل القضائي دي مرحلة متقدمة … يعني ضروري في الاول يكون في نصح و في ارشاد و في اعادة تأهيل و بعدين لما نلجأ للقضاء احنا عاوزين يكون استخدام مصطلح زي مصطلح مبادئ و قيم و الاسرة : هو مصطلح لي منضبط و مقدم لي تعريف حقيقي ماهي مبادئ و قيم الاسرة